السلام عليكم ورحمة الله وبركاته
هاي قصة سارت معي من سنة تقريبا حبيت احكيها الكم لانو فيها عبرة حلوة كتير
مرة كان عنا امتحان والمادة كانت صعبة وزنخة كتير منشان هيك اتفقت انا وصاحبتي ايناس نغش بالامتحان فاتفقنا انو هي تحفظ نص المادة واناا النص التاني ونقعد جمب بعض بالقاعة وننقل من بعض
المهم اجا يوم الامتحان دخلنا القاعة بنستنى بالدكتور ولا انو بيحكينا انو الامتحان راح يكون في المدرج
رحنا للمدرج وقعدنا ،، وقف الدكتور شوي وبعد شي دقيتين حكالنا : انا بدي اروح نص ساعة وباجي و ما تحاولوا تغشوا
راح الدكتور من هون وبلش الغش من هون ،، و هداك اليوم شفت غش على اصولو اشكال والوان ،، طبعا اناا وايناس نقلنا وغشينا متل ما اتفقنا
وفعلا بعد نص ساعة اجى الدكتور ونحنا كلنا خلصنا الامتحان
قبل ما نروح من المدرج صار الدكتور يحكينا : يوم الاتنين بدي اياكم تيجوني بمختبر الحاسوب لحتى اعطيكم الورق
اجى يوم الاتنين ورحنا للدكتور على المختبر ولا صار يحكينا : ماشاءالله عليكم ابدعتو بالامتحان ما حدا رسب وهاد بيدل على اني اعطيت المادة حقها وانكم طلاب نشيطين بتهتمو بدراستكم
وبعدها دخلنا دفعتين على المختبر كل تلتين طالب لحال
المهم دخلنا وصار يحكينا : بدي اورجيكم فيديو لشي عظيم ما راح ينساه التاريخ بالمرة
طبعا الي صار يحكي انو الفيديو بحكي عن حروب هتلر والي بحكي انو عن حياة بروس ومن هالحكي ...
المهم بلش الفيديو ،، ولا احنا بنشوف مدرج جامعتنا لا وشفنا حالنا ونحنا بنغش كمان
المهم خلص الفيديو ونحنا خجلانين عالاخر،، و اعتزرنا من الدكتور
طبعا من يومها حلفت اني ما اغش
ورحت تاني يوم أسقط المادة
و عدت الامتحان ونجحت فيه من دون غش والحمدلله
والله يبعدكم عن الغش ~~