كلمات اردنية فلسطينية بحاجة الي قاموس

جبتلكم هاي الكلمات من قاموس الفلسطينية والاردنية طبعا بطلب من الآنسة ليان
ان شاء الله تبهركم

انخم = انطم = اخرس بلا فلسفة
طلطميس = الرجل الذي لا يرسل ولا يستقبل

خريط = واحد قاعد بكذب

هشيت = نفس المعني بس خرطه أقل

هلقيت = الاّن الاّن=الحين

بديش = لا أريد

اقبض ياخوي = خدلك هالعاهة

اخمع = اخبط = امزع = اسلخ = يعني بالعربي اعطي بس بدفاشة

مكحمش = فاطس = فاقع = فارط = مسخسخ = يعني مات من كثر الضحك

هدي اللعب = انطز = اختصر = اهدى ولا بدعس في بطنك

من قاع الدست = يعني قوية

زينقو = اسبست = حاجة بتنحط فوق سقف لدار للي معوش يصبها بطون , مثال الأغنية الشعبية 'بس فوق الزينقو'

وماشفنالك إلا
موسيقى تصويرية لفيلم هندي من تأليف محلي ( بس على فكرة هاي دارجة عنا كتير )

صلي على النبي
استراحة لكثير الكلام ليبلع ريقه

وما كذبت خبر:
عبارة لنفش العضلات وبداية لكذبة ورسم بطولات ما حصلت إلا بالخيال وعلي الطلاق بطل القصة ما بكون عارف وين هو

انت بعدك ما بتعرفني:
تقال عندما يشعر المتكلم انه تبهدل وانمسحت بكرامته الأرض وبحاول يصلح موقفو

نشفت دمي
تقال للذي يطلب كل دقيقة إعادة نفس الجملة بطريقة مختلفة

الله يستر على خلقه
تقال بعد نهاية كل قصة تم فيها نشر قصص لا تقال لمواطن أو مجموعة من المواطنين وبعد ما يفضحهم وما يخلي لأهلهم وأهل أهلهم بقلك الله يستر على خلقه وما إلنا بسيرة الناس

اتمنيتك معي
وهاي بتنقال إذا بدك تقهر واحد بعد ما تقلو قصة سويتها أو طلعه وفيها متعة و فايدة

سجرة = شجرة بس بس مش الكل

اسكوميه = يعني ايس كريم هههههههه ( الدلع )

الفرشوحه = يعني سندويش الشاورما بالغزاوي القح

برقان = برتقال بس الواحد بيكون مستعجل

بوزك = وجهك

تحفة = بتشنن = يعني بتجنن

اعطيني من الآخر = يعني خلصني واختصر

الدالية = هي شجرة العنب

بنكيت = الرصيف في الشارع

البيارة = المزرعة

شمينت = نوع من انواع اللبن مفردة من مخلفات العدو الصهيوني

الكوربة = راس الشارع = لفة آخر الشارع

ضاوي = فاقد = ما بفهم اشي

براد = بكرج = إبريق بنقول براد الشاي أو بكرج الشاي

شُشْبَرك = طبيخ مرات وهي عجين بنحشي لحمة أو كفتة مفرومة وبنطبخ مع اللبن

بشكير = منشفة اللي بنشف فيها وجهنا على الصبح

فرشة = معناتها فراش بس احنا بندلعها فرشة هههههههههه

ابطيني = يعني بياكل اكل ما شاء الله ولا هو داري عن حاله

بابور = زي فرن الغاز بس على صغير واله عين وحدة وبشتغل على الكاز (بابور
الكاز) عليوة هههه

مخدة = وسادة

زرفيل = قفل الباب

اقلط الشارع = اقطع الشارع

عشرطعش = يقصد فيها الكثرة من الشئ

تخت = سرير

رمزون = إشارة مرور ضوئية

كلنس = محارم

سطل = جردل = دلو

هواية = مروحة

نونة = يعني شوي

نتفة = اقل من شوية هههههههه
ونجك حالك = يعني زبط حالك

روق يا ضاوي = يعني وحد الله يا مجنون ههههههههههه
على بلاطة = يعني من الآخر

كوشي = يعني اسود

شكشوكه = (اكله ) بندوره وبيض

بابوج = شبشب

معصلج = مزرجن = مش راضي أو بمعنى آخر راكب راسه

مقلمة = علبة الأقلام اللي بكون شايلها الطالب تاع المدرسة

فورسة = فسحة اللي في نص الحصص في المدرسة

كنتين = كافتيريا المدرسة

صف = فصل المدرسة

الدالية = هي شجرة العنب

الزغيرة = الزغنونة = صغيرة

جمطة = يعنى ما بتنبلع = ما تنزل من زور

طشه = يعني فسحة او طلعة علي البر او علي البحر
اجنص = لنج =جديد

مواسرجي = السباك ... الرجل الذي يقوم بتصلح المجاري

حنفية = صنبور= مصورة

مية متلجة = مياة مثلجة

ورا الدار = خلف البيت

قاع الدار = الجزء الامامي للدار

قزاز = زجاج

سيرج = زيت الذرة او زيت عباد الشمس

سقاطة = حصالة

قداحة = ولاعة

بربيج = خرطوم المياة

لنش = سفينه صيد اسماك كبير

حسكة = سفينة صيد صغيرة

شياطة = الاداة المستخدمة في التزحلق على امواج البحر

زمور = منبه السيارة
كوربة = التفاف الشارع .. تقاطع يعني

منقرز = محتاج الى سيجارة

مخرمن = محتاج شاي او قهوة ههههه

شخبطة = خرابيش الجاج

شقلب وجهك عني= يعني ما بدي اشوف خلقتك

سبهللة = يعني بدون مسؤولية

افتح مخك وطقطق دنيك = ركز معي الله لايسيئك

تلقحيه = واحد رامي حالو علينا

دكانة = سوبر ماركت

نتخرف = ندردش مع بعض

ام العبد و ابو العبد = اسم فلسطيني قح

قح = عالاخر

فرم الشاب = طحنه = خلاه زي الطحينه

فعص في بطن الشاب = خبط في بطنه هلكه

جلدة راسه خميله = عبيط او بفهمش بسرعه

بدكاش = ما بدك

شاكوش = مطرقة

فطبول = كرة قدم

طقية = قبعة

شمر = ارفع البنطلون او الجلبية وافكح او اجري

قرفان = واحد مش طايق حالو بالمرة

سك عالدم = يعني انسى ومش فايقلك

برقان = برتقال بس الواحد بيكون مستعجل

بوزك = وجهك

زير = الاناء المصنوع من الفخار يوضع في الماء

قشاط = اللى بيكون على البنطلون

طنجره = هاى اللى بيكون فيها الطبيخ اسمها طنجره

الحين = الان بس احنا النا بعد تانى عن الحياه ( حمامي) ههههه

حبيبى يا حج = حبيبى يا قلق = حبيبى يا لوز = حبيبى يا حوت

شقفه = حته قطعه

يع = يعنى قرفان من اشى

اوعى تتزحلق = يعنى تندب دير بالك فى صابون على البلاط
الخوصة = السكين

شرشف = ملاية

جربان = شراب ( في الرجل بلبسوه )

شاف = اللي بيحطو فيه الميّة

ليدن = علكة

احلقلو = طنشو = ماتعبرهوش

ترللي = مهوي = اهبل

يجاكر = يعاند

زبدية = صحن من الفخار لعمل الدقة الغزاوية

جحشت الهرج
تقال للشخص اللي بقاطع جماعة كانو بحكوا بموضوع هام وقيم وخش عليهم مثل الـ.. عا غفلة

فكح = ومعناه مزط او هرب

تلولحي يا دالية = تقال للشخص النحيف جدا وبترخرخ لدرجة الهبل

حادي عن الراس واذرب = بلهجة اهل اربد والمعنى وفي مقوله اخرى حيد عن الراس واذرب
وتقال في الطوش او الخناقات انه يعني ما تعمل عمل كبير تندم عليه
ولكان حاول توجع بشكل غير مباشر
يعني لا تضرب واحد على راسه تنبلي فيه

إحفظ هالّلطش = يقولها من أدى خدمة لحدا ومحملوا جميلة عليها

فايـع/ فايـعة = وتقال للبنت والولد اللي ماشيين عل الموظة أو على حل شعرهم أو شايفين حالهم

هاك = يعني خذ او القف.. بس من غير نفس

بتتخوث يا ملوّث = تقال لمن يحاول أن يخفف دمه وبتهبّل وهو فيش أزنخ من دمّو

يلعن روما = مسبة قاسية جدا تقال عند الغضب بدل من سب الدين

مشرّت - بكسر الرا وفتح الشين = تقال عادة للظاربة فيوزاته او ولا حبة

الطنجير = يقال انها من اصل طنجرة وتقال للشخص اللي مثل اللوح ومش عارف وين الله حاطّه

الشنتير = تقال للشخص اللي حجمه كبير وعالفاظي

فستق فاظي = تقال للشخص اللي بحكي كتير وما بعمل اشي

سحنة = معناها ملامح وجه الواحد ... ويا محلا هالسحن الأردني

يسنحك = معذرة ... ما زال البحث جاري عن معناها

قووطر = قزدر- وتستعمل في المناطق الأقل حظا

يلعن حرمو = لا تحتاج الى تفسير! ... دليل احترام للنساء في الأردن

منغنغ- الله يطعمنا = معناها معاه فلوس كثيرة وجيبته مليانة مصاري -